1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Tsohon shugaban Jamus Herzog ya rasu

January 10, 2017

Roman Herzog mai shekaru 82 ya mulki Jamus tsakanin shekarar 1994 zuwa 1999. Sannan ya taba shugabantar kotun tsarin mulki kasar

https://p.dw.com/p/2VZIL
Deutschland Altbundespräsident Roman Herzog ist tot
Hoto: Getty Images/A. Rentz

Tsohon shugaban kasar Jamus Roman Herzog mai shekaru 82 da haihuwa ya rigamu gidan gaskiya. Shi dai marigayin ya kasance shugaba na farko da aka zaba a Jamus bayan da kasar ta sake hadewa, inda ya mulki tsakanin shekarar 1994 zuwa 1999. Sannan ya taba shugabantar kotun tsarin mulki na kasar.

Roman Herzog wanda dan jam'iyyar CDU ta Angela Merkel ne ya yi ruwa da tsaki a zamanin mulkinsa don ganin cewar Jamus ta gudanar da sauye-sauye da za su inganta tattalin arzikinta. Shugaba Joachim Gauck da ke kan mulki ya jinjina wa marigayi Herzog dangane da dora kasarsa kan kyakkyawar turba da ya yi.

"Roman Herzog ya kasance mai yawan bayyana kalmomin da suka dace. Sannan ya bayar da gudunmawa wajen karfafa fahimta tsakanin 'yan siyasa da talakawa.".