1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Turkiya ta fara kai hare-hare a siriya

Lateefa Mustapha Ja'afarAugust 24, 2016

Gidan talabijin din kasar Turkiya ya ruwaito cewa tankokin yakin Turkiya sun tsallaka kan iyakar kasar Siriya, a karon farko da kasar ta daura damarar yaki da 'yan kungiyar ta'addan IS a yankin arewacin Siriya.

https://p.dw.com/p/1JoP1
Turkiya ta kaddamar da yaki da IS
Turkiya ta kaddamar da yaki da ISHoto: picture alliance/AP Photo

Tun da fari dai jiragen yakin Turkiyan da na Amirka, sun yi luguden wuta kan maboyar 'yan IS din a yankin Jarabulus da ke arewacin kasar Siriyan. A 'yan kwanakin baya-bayan nan dai Turkiyan ta zargi kungiyar ta IS da kai hare-hare cikin kasarta. Koda a karshen wannan mako ma dai sai da wani harin kunar bakin wake ya hallaka mutane 54 a yayin da suke halartar shagalin bikin aure a Turkiyan, harin kuma da mahukuntan na Ankara suka dora alhakinsa kan kungiyar ta IS.