1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan adawar Kenya sun ce mutane 100 sun mutu

Muntaqa Ahiwa
August 12, 2017

Jam'iyyar adawa a kasar Kenya, ta ce mutane 100 ne suka mutu a rikicin bayan zaben kasar, a dai dai lokacin da 'yan sandan kasar ke musanta amfani da harsashin gaske a kan masu zanga-zanga.

https://p.dw.com/p/2i7xW
Kenia Unruhen nach dem Wahlenergebnis
Hoto: Picture-Alliance/AP Photo/B. Inganga

Bayyana shugaba Uhuru Kenyatta na kasar a matsayin wanda ya lashe zaben ranar Talata dai ba ta yi wa bangaren adawar kasar dadi ba. Akwai ma wasu bayanan da ke nunin cewa an sami asarar rayuka a hargitsin na Kenya, jim kadan bayan sanar da sakamakon zaben da yammacin ranar Juma'a.

Kungiyar kare hakkin bil adama a kasar ta ce tana da alkaluman mutane 24 da suka mutu, galibinsu a Nairobi babban birnin kasar. Bangarorin adawar da suka bayyana zaben da zama haramtacce sun dora alhakin kashe-kashen a kan jami'an 'yan sanda, wadanda suka ce suna aiki ne son ransu.