1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan bindiga sun kai hari a wani gidan yari a Mali

Abdul-raheem Hassan
December 6, 2016

Hukumomi a kasar Mali sun tabbatar da tserewar fursunoni da dama daga gidan yari biyo bayan wani hari da ake zargin 'yan ta'adda ne suka kai a garin Niono da ke tsakiyar kasar.

https://p.dw.com/p/2Tovg
Mali Bürgermeister Sabdou Harouna Diallo mit Soldaten in Gao
Hoto: DW/A. Kriesch/J.-P. Scholz

Babu tabbacin ko akwai wani dan kungiyar ta'adda da ke tsare a gidan yarin da ake tunanin 'yan uwansu suka kubutar, amma dai mai magana amadadin ma'aikar tsaron kasar Mali, Abdoulaye Sidibe ya ce sojoji sun yi nasarar maido da wasu fursunonin da suka tsere, kuma dakarunsu na ci gaba da nausawa dan ganin an kai ga cimma maharan.

A watan da ya gabata ma dai 'yan bindiga sun kaddamar da hari tare da fasa wani gidan yari a kudancin Mali, inda suka yi yunkurin kubutar da fursunoni biyu. A baya dai sojojin Faransa sun sha fatattakar 'yan tawayen arewacin Mali da ke zafafa kai hare-hare a sassa daban-daban na kasar.