1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan bindiga sun kai hari caji ofis

Ramatu Garba Baba
February 21, 2018

A Afrika ta Kudu, wasu 'yan bindiga sun kashe 'yan sanda biyar da soja daya a wani hari da suka kai caji ofishin 'yan sanda da ke a yankin birnin Cape Town a safiyar wannan Laraba.

https://p.dw.com/p/2t4gv
Südafrika Polizei durchsucht Anwesen von Präsident Zumas Günstlingen
Hoto: Reuters/J. Oatway

A wata sanarwar da mahukunta suka fitar jim kadan da kai harin, sun ce 'yan bindigan sun kwashi wasu makamai daga ofishin kafin su tsere a cikin wata motar 'yan sanda da suka sace daga harabar ofishin.

Kakakin 'yan sanda yankin Khaya Tonjeni ya fadi cewa ana kan gudanar da bincike don gano wadanda suka kai harin, ya kara da cewa za'a gano su duk inda suke aka kuma hukunta su kan wannan kisan da suka aikata. Gwamnatin kasar ta baiyana takaici tare da kwatanta ranar a matsayin rana ta bakin ciki ga al'ummar Afrika ta Kudu.