1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Uganda na musgunawa 'yan jaridu

Kamaluddeen SaniJanuary 11, 2016

Kungiyar kare hakkokin bil -adama ta Human rights watch ta bayyana cewar gwamnatin kasar Uganda na cigaba da muzanta 'yan jarida da masu fadar albarkacin bakin su.

https://p.dw.com/p/1HbZx
Uganda Razzia Medien Protest
Hoto: Reuters

Zargin dai na zuwane a dai-dai lokacin da ake gab da fara zaben shugabancin kasar a wata mai kamawa.

'Yan takarar shugabancin kasar bakwai ne dai suke kokarin bugawa da Shugaban kasar mai ci Yoweri Museveni da ya shafe shekaru 30 a gadon mulki a ranar 18 ga watan Febreru, a yayin da ake fargabar barkewar rikici a lokutan yakin neman zaben sakamakon sukar lamirin juna kan cin hanci da karbar rashawa a tsakanin 'yan takarar.

Kazalika kungiyar tace gwamnati ta dakatar da wasu aikace -aikacen 'yan jarida tare barazanar daukar matakai masu tsauri ga gidajen radiyon kasar muddin suka dauki nauyin watsa shirye-shiryen 'yan adawar kasar.