Yan tawayen Uganda sun kai sabon hari
January 9, 2006Talla
Mutane a kalla uku ne suka rasa rayukan su, wasu kuma 12 suka jikkata , bayan da yan kungiyyar tawaye ta LRA a Uganda suka kai wani hari a arewacin kasar.
Bayanai dai sun nunar da cewa yan tawayen sun bude wuta kann mai uwa da wabi ne a cikin cincirin don masu raye raye da wake wake a arewacin kasar ta Uganda a karshen makon nan daya gabata.
A cewar kakakin sojin kasar ta Uganda, wato Chris Magezi, jami´an su sun samu galabar bin sahun yan tawayen inda suka samu damar kashe mutum biyu daga cikin su.
Bugu da kari, kakakin sojin ya kuma tabbatar da cewa a wata arangama data wanzu a tsakanin su da yan tawayen a gulu, sun kuma kashe mutum biyar daga cikin yan kungiyyar ta LRA.