1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Zaɓen shugaban ƙasa a Burkina Faso

November 20, 2010

Da alamun shugaba Blaise Campaore na Burkina Faso zai lashe zaɓen shugaban ƙasa gobe Lahadi daga cikin ´yan takara shidda .

https://p.dw.com/p/QERc
Blaise Compaore shugaban Burkina FasoHoto: picture-alliance/ dpa

A gobe ne idan Allah ya kai mu al'ummar ƙasar Burkina Faso za su  kaɗa ƙuria a zaɓen shugaban ƙasa. Shugaba mai ci yanzu Blaise Compaore na daga cikin 'yan takara shidda da zasu fafata a zaɓen, sai dai ƙuri'ar jin ra'ayin jama'a na nuni da cewa shugaban mai ci, na iya samun nasarar yin ta zarce a kan karagar mulki.

Da ya ke jawabi da magoya bayansa, Blaise Compaore ya yi alƙawarin kyautata jin daɗin rayuwar al'umma da kuma kawar da talauci.

Tun dai a shekarar 1987 ne Blaise Compaore ya ɗare kujerar shugabancin ƙasar bayan ya kifar da mulkin Thomas Sankara.

Hukumar zaɓen ƙasar ta ce tana fatan bayyana sakamakon zagayen farko na zaɓen a ranar Alhamis mai zuwa.

Mawallafiya: Pinado Abdu

Edita: Yahouza Sadissou Madobi