Zanga-zangar neman shugaba Bakiyev na Kirgistan da yayi murabus
November 3, 2006Talla
Dubban masu zanga-zanga a Bishek babban birnin Kirgistan sun ce zasu ci-gaba da yin gangami na neman shugaba Kurmanbek Bakiyev da yayi murabus. A jiya alhamis aka fara wannan zanga-zanga a tsakiyar birnin bayan da shugaba Bakiyev ya bijirema wani wa´adi na ya dauki wasu matakai da zasu rage masa karfin ikonsa. An rufe kantuna da kasuwanni bisa fargabar sake aukuwar mummunar zanga-zangar nan ta watan maris din shekara ta 2005, wadda ta tilasta tsohon shugaban kasar Askar Akayev sauka daga kan kujerar shugaban kasa. Yanzu haka an girke daruruwan ´yan sandan kwantar da tarzoma a kewayen fadar shugaban kasa. A yau ministan harkokin wajen Jamus ke sauka a birnin na Bishek inda zai tattauna da shugaba.