1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Ziyara Paparoma a majami´ar Sagrada Familia

November 7, 2010

Paparoma Benedikt na 16 ya albarkaci majami´ar Sagrada Familia ta birnin Barcelona

https://p.dw.com/p/Q0uz
Ziyara Paparoma a majami´ar Sagrada FamiliaHoto: AP

Shugaban ɗariƙar Roman Katolika Benedikt na 16 ya jagoranci bikin buɗa majami´a Sagrada Familia a birnin Barcelona na ƙasar Spain.Yau shekaru kusan 130 aka fara ginin wannan majami´a amma har yanzu da sauran aiki. A na sa ran ƙara kwashe shekaru 15 kamin a kammala komai.

A cikin addu´o´in da ya yi, Paparoma ya roƙi Allah ya ƙara jawo hankalin mabiya addinin krista domin su ƙara himmantuwa wajen aiyukan ibada.

Sai dai jim kaɗan kamin tada sallar, sai da ´yan luwaɗin ƙasar Spain, su ka shirya wani gangami domin nuna adawa ga ziyarar Paparoma, tare da yi masa kalamomin ɓatanci.

Zanga-zangar na matsayin martani ga matakin Fadar Vatican na yin Allah wadai ga auratayya tsakanin´yan luwaɗi.

Mawallafi: Yahouza Sadissou Madobi

Edita: Ahmad Tijani Lawal