Вардар се излеа- кејот под вода

Поројните дождови го преполнија коритото на реката Вардар во центарот на Скопје. Надлежните велат дека нема опасност од поголеми поплави.

Метеоролозите велат дека се очекуваат обилни врнежи од дожд и во следните денови, особено во западните и југозападните делови на Македонија.

Од фотографијата може да се види дека излевањето на реката донесе и големи количества смет и градежен шут во реката.

Од Управата за хидрометеоролошки работи велат дека излевањето на Вардар се должи на градежните активности во минор-коритото на реката, поради што дошло до излевањето.

Од градот Скопје неофицијално најавуваат дека наскоро ќе излезат со план за отстранување на некои објекти од речното корито. Галиите, кои денеска беа повторно поплавени, веројатно ќе бидат меѓу првите?

Нема потреба од спасувачки екипи! Единствена опасност е дека на статуата на пливачката за првпат ќе и се навлажни костумот за капење.

Жалните Врби наскоро би можеле целосно да се најдат под вода, но поголемиот проблем е каде ќе отплови оваа галија поставена покрај самиот кеј?

„Благодарение“ на градежните активности во коритото, и Камениот мост беше овековечен во ново опкружување- со далеку зголемен водостој под него.