Автобус со македонски државјани излетал од патот кај Будимпешта

Автобус полн со македонски државјани, во текот на ноќта, излетал од патот, во близина на унгарската престолнина Будимпешта. Во несреќата биле повредени 28 патници, од кои најголем дел се Македонци. Според информациите во македонските медиуми, осуммина од патниците се потешко повредени. Несреќата се случила на 50 километри пред Будимпешта, во близина на градот Гор. Автобусот сообраќал на релација Скопје-Прага. Засега нема информации за причините за несреќата.