Американскиот Сенат ги зајакна санкциите кон Иран

Сенатот едногласно го одобри пакетот од нови ограничувања на иранскиот извоз на нафта, неспоредно пред преговорите во Багдад меѓу шесте светски сили и Иран. Согласно новите мерки, компаниите кои работат на американските берзи треба да даваат известување за секој бизнис поврзан со Иран. Санкциите се проширени и на заедничките компании со Иран во енергетскиот сектор и во процесот на добивање на ураниум.

Предвидено е и одбивање на издавање визи и замрзнување на сметки на поединечни лица и компании, кои на Иран му доставуваат технологии и средства за задушување на протести, како солзавец, гумени куршуми и техника за набљудување. Текстот за зајакнување на санкциите против Ирак од Претставничкиот дом на Конгресот беше усвоен во декември.

Западот го сомничи Иран дека под плаштот на цивилно користење на нуклеарната енергија тајно работи на создавање атомско оружје. Советот за безбедност на ОН веќе воведе опсежни санкции против Иран.