Американците повторно ќе градат атомски реактори
10 февруари 2012
Регулаторното тело на САД за нуклеарна енергија вчера првпат по 30 години одобри проект за изградба на нова атомска централа.
Со четири гласови „за“ и еден „против“ Нуклеарната регулатарна комисија на корпорацијата „Саутерн Компани“ и’ ги одобри сите лиценци да ја прошири атомската централа во сојузната држава Џорџија.
Изградбата на двата нуклеарни реактори е предвидено да трае во 2016 и 2017 година, а ќе чини околу 14 милијарди доалри.
Ова е прва дозвола по атомската катастрофа во нуклеарката „Три Мајл Ајланд“ кај Харисбург во 1979-та година. Последната дозвола за изградба на нуклеарна централа на територијата на САД била издадена во 1978-ма година, тогаш била изградена централа во Пенсилванија.
Американскиот претседател Барак Обама и по нуклеарната катастрофа во Фукушима во Јапонија е поборник на атомската енергија, со која планира меѓу другото да ја спречи зависноста од увозот на нафта.
Автор: Жана Ацеска/АМ/дв/миа
Редактор: Б. Георгиевски