Американците си одат од Сирија
12 јануари 2012Искусниот француски воен репортер Жил Жакие и осуммина Сиријци загинаа од граната во градот Хомс, упориштето на протестите против режимот на претседателот Башар ал-Асад.
Високиот претставник на ЕУ за надворешна политика Кетрин Ештон побара брза истрага за смртта на францускиот новинар, убиен во артилериски напад во Хомс
Уште еден член на набљудувачката мисија на Арапската лига размислува во меѓувреме да го прекине ангажманот, зашто не е во улога на заштита на населението. Поради тензичната ситуација во Сирија, САД продолжија да го повлекуваат дипломатскиот персонал од амбасадата во Дамаск, барајќи што е можно побргу луѓето да ја напуштат државата. Во октомври лани, Вашингтон одлучи семејствата на вработените во амбасадата да ја напуштат државата и го намали бројот на персоналот.
Автор: ЖА/СН/дв
Редактор: Е.М.Фиданоска