Антиамерикански протести во Ирак

Илјадници Ирачани излегоа на улиците за да протестираат на четиригодишнината од вмарширањето на американските трупи во нивната земја.Демонстрациите ги иницираше радикалниот шиитски водач Моктада ел Садр,кој ги обвини Американците дека се одговорни за растечкото насилство во Ирак. Во градовите Наџаф и Куфа демонстрантите извикувале антиамерикански пароли и газеле американски и израелски знамиња.Ирачкото раководство соопшти дека годишнината од падот на Садам Хусеин во иднина нема да биде национален празник.