Апсења на демонстрациите во Русија
6 март 2012
На протестите против изборот на актуелниот руски премиер Владимир Путин за иден претседател на државата вчеравечер во Москва и Санкт Петерсбург беа упсени околу 500 противници на Кремљ. Меѓу нив и пратеникот од либералната партија „Јаблоко“ и познатиот протовиник на Путин - блогерот Алексеј Навални. Во меѓувреме, дел од уапсените се ослободени.
Еден од лидерите на нерегистрираната „Партија на народната слобода“ Владимир Рижков упати повик за предвремени парламентарни и претседателски избори. Тој истакна дека опозицијата сака комплексни реформи и ќе ја продолжи мирната борба додека барањата не бидат исполнети.
На плоштадот Пушкин во Москва протестираа околу 20.000 луѓе против изборните резултати. На протестите повеќемина водечки опозиционери го обвинија Путин за манипулација на изборните резултати. Тие сметаат дека изборите треба да бидат поништени. Според Изборната комисија, Путин освоил 63,6 проценти гласови. ОБСЕ констатираше нерегуларности во една третина од избирачките места, каде се вршело надгледување на изборите. Руската организација Голос, според сопствени наводи, примила 14.000 поплаки.
Автор: АТ/ АМ/ дв/ миа
Редактор: Е. М. Фиданоска