1. Прескокни до содржината
  2. Прескокни до главната навигација
  3. Кон други страници на DW

„Ајрин“ ја одложи седницата на СБ на ОН за Косово

29 август 2011

Седницата на Советот за безбедност на ОН, посветена на Косово, која требаше да се одржи денеска (29.08.), е одложена за утре. Причина - ураганот Ајрин.

https://p.dw.com/p/12PCB
Советот за безбедност ќе се состане утреФотографија: dapd

Поради проблемите во Њујорк, кои се појавија како последица на ураганот Ајрин, се покажа дека денеска нема услови за одржување на седницата во седиштето на ОН. Првиот следен слободен термин беше утре претпладне, соопштено е од седиштето на светската организација.

На оваа седница ќе биде поднесен редовен тримесечен извештај на генералниот секретар на ОН Бан Ки-мун за ситуацијата на Косово, но се очекува акцент да биде ставен и на последната криза во северниот дел на Косово, која се случи кон крајот на минатиот месец при едностраниот обид на Приштина да ги преземе административните премини во северниот дел.

Српската делегација ќе ја предводи министерот за надворешни работи Вук Јеремиќ, кој изјави дека очекува исклучително тешка седница, имајќи ја предвид спротивставеноста на ставовите на земјите членки на СБ на ОН околу претседателското соопштение, чиј предлог го поднесе Русија. Во овој предлог, Приштина се осудува поради одлуката да употреби сила и бара ситуацијата да се врати во претходната состојба.

Автор: СН/ЕМФ/миа

Редактор: Трајче Тосев