Бан Ки Мун охрабрува да се дојде до решение за името!
4 февруари 2011Охрабрувачки, но не и конкретен, беше генералниот секретар на Обединетите нации Бан Ки Мун одговарајки на прашањето за спорот со името меѓу Македонија и Грција, кој по речиси една година, наредната недела е повторно на дневен ред во Њујорк. По синоќешната средба со германскиот сојузен претседател Кристијан Вулф во Берлин, првиот човек на Обединетите нации го прашавме: дали неговиот застапник наредната недела на маса ќе донесе нов предлог за името и не е ли момент по сите разговори во преговарачкиот процес официјално да се вклучи и Европската унија?
„За ова прашање се дискутира преку мојот личен застапник г. Нимиц, кој ги води разговорите со засегнатите страни. Овој спор со името е долготраен и несреќно влијае врз билатералните односи и секако врз целиот регион. Затоа сакам да подвлечам дека ова прашање треба да се разреши колку што е можно поскоро. Од моја страна ќе направам се’ што можам. Најпрво уште еднаш ќе разговарам и ќе го охрабрам мојот личен застапник, но и засегнатите страни, грчката и владата на ФИРОМ искрено да се вклучат во дијалогот“, одговори генералниот секретар Бан Ки Мун.
Автор: Силвера Падори-Кленке
Редактор: Елизабета Милошевска Фиданоска