Барање за одземање на имунитетот на Бакојани

Обвинителството ја сомничи Бакојани за непријавен имот во вредност од еден милион долари. Станува збор за пари инвестирани од страна на нејзиниот сопруг Исидорос Кувелос во зделка во странство.

Трансакцијата била целосно законски извршена, но сумата не била пријавена во даночната изјава на Дора Бакојани во функција на поранешен министер за надворешни работи.

Бакојани изјави дека барањето на обвинителството е тенденциозно и е резултат на борбата на нејзината партија против незаконското финансирање на партиите, што засегнува многумина.

„Парите на мојот сопруг се од неговиот бизнис со бродоградителство и се инвестирани на американската берза“, рече Бакојани одговарајќи на барањето за одземање на нејзиниот пратенички имунитет.