Барнс бара конструктивност од Скопје и Атина

Заменик државниот секретар на САД Николас Барнс по средбата со грчката министерка за надворешни работи Дора Бакојани изјави дека Вашингтон сака да го употреби своето влијание врз Скопје за да го придвижи кон компромисно решение во врска со спорот за уставното име, јави допосникот на Дојче Веле од Вашингтон. Барнс ги повикал двете земји на конструктивност во преговорите во ОН кои САД ги поддржуваат. Тој смета дека е дојдено време за решение на проблемот бидејќи е актуелна дискусијата околу барањето на Македонија за членство во НАТО. Инаку посредникот на ОН во спорот, Метју Нимиц, изјави дека нема нов предлог за решение на перашањето околу уставното име на Македонија.