1. Прескокни до содржината
  2. Прескокни до главната навигација
  3. Кон други страници на DW

Белгија: Помалку барања за азил од Македонија

4 декември 2011

Минатиот месец азил во Белгија побарале 36 лица од Македонија, што е двојно помалку од септември, информираат од македонската амбасада во Кралството Белгија.

https://p.dw.com/p/13MP0
Фотографија: Picture-Alliance /dpa

Според министерот за надворешни работи Никола Поповски, намалениот број на азиланти е резултат на работата на македонската Влада која постојано употребувала рестриктивни и превентивни мерки со цел да влијае на состојбата.


„ Вложуваме напори за подобрување на условите за живот во деловите од каде потекнуваат најголемиот број баратели на азил. Работиме и на информираноста за бенифитите од визната либерализација која во никој случај нема да дозволиме да биде компромитирана. Ангажирани сме и на дијалог со земјите членки кои се погодени од појавата на баратели на лажен азил“ , вели министерот Поповски.


Минатата недела белгиските власти објавија одредени промени за барањето азил. Тие предвидуваат ограничување до шест месеци на рокот за изјаснување по барањето за обезбедување статус на бегалец. Воедно повеќе нема да биде толерирано поднесување повеќе од едно барање со што бегалците го продолжуваа престојот во земјата со очекувањето на одлуката на секое од поднесените барања, имигрантите со малолетни деца нема да можат да бидат задржувани во центрите за привремено сместување, а доброволното напуштање на земјата на илегалните имигранти нема да биде единствената можност за тие да бидат вратени од Белгија.

Автор:СН/АТ/миа

Редактор: Александра Трајковска