Битка за последните места во нокаут фазата

Со натпреварите од 6.коло, денеска (10.12) ќе заврши правата фаза од натпреварите во Лигата на шампиони, во групите А, Б, Ц и Д. Пласман во осминафиналето веќе имаат обезбедено Манчестер Јунајтед, Реал Мадрид, Пари Сен Жермен, Бајерн Минхен и Манчестер Сити.

Бајер Леверкузен и Шахтјор се борат за второто место во А групата, нешто полесна задача ќе имаат Германците кои му гостуваат на Реал Сосиедад. Во пресрет на последното коло, Шахтјор има бод повеќе од Леверкузен.

Галатасарај и Јувентус во директен дуел ќе решат кој покрај Реал ќе оди во нокаут фазата, од Б групата. Галатасарај само со победа оди во следната рунда, додека на Јувентус му одговара и нерешен резултат.

Олимпијакос и Бенфика од Ц групата, во последната рунда влегуваат со ист број на бодови, грчкиот шампион е во подобра положба бидејќи во последното коло ќе го пречека Андерлехт.

Во Д групата уште пред две рунди е познато дека Бајерн и Манчестер Сити одат во осминафиналето, а интересен ќе биде дуелот во Плзен, помеѓу Викторија и ЦСКА Москва, кој ќе реши која екипа ќе продолжи во Лига Европа.

Група А

Ман.Јунајтед-Шахтјор

Реал Сосиедад-Баер Леверкузен

Табела: Ман. Јунајтед 11, Шахтјор 8, Баер 7, Сосиедад 1

Група Б

Копенхаген-Реал Мадрид

Галатасарај-Јувентус

Табела: Реал 13, Јувентус 6, Галатасарај 4, Копенхаген 4

Група Ц

Бенфика-ПСЖ

Олимпијакос-Андерлехт

Табела: ПСЖ 13, Олимпијакос 7, Бенфика 7, Андерлехт 1

Група Д

Баерн Минхен-Ман. Сити

Викторија Плзен-ЦСКА Москва

Табела: Баерн 15, Ман.Сити 12, ЦСКА 3, Викторија 0.