Блер, специјален пратеник за Блискиот исток?

Досегашниот британски премиер Тони Блер,според извештај на БиБиСи, е подготвен да стане нов специјален пратеник на т.н. Квартет за Блискиот исток. Американскиот претседател Џорџ Буш и државниот секретар Кондолиза Рајс веќе разговарале со Блер за идејата. На оваа функција досега беше поранешниот претседател на Светската банка Џејмс Волфенсон. Новиот специјален пратеник за Блискиот исток би требало да соработува со палестинските власти во изградбата на институциите за независна држава.