Буш гледа паралели меѓу Ирак и Виетнам

Американскиот претседател зборувајќи за демократскиот пресврт во Јапонија,некогашниот воен противник,а сега тесен сојузник, дојде на темата Јужна Азија:

"Крајно,тука е и Виетнам,тешка и болна работа за сите Американци."

Нивното мнозинство патем смета дека тоа беше погрешна војна,во која Америка не требаше да се впушти.Буш ја сврте работата:го критикуваше не почетокот,туку крајот,повлекувањето на САД.Денеска не само Демократите веќе одамна повикуваат на вакво повлекување.Во средината на 1970-те гоидни тоа имаше фатални последици,рече Буш:

"Во Камбоџа завладеа убиствениот режим на Црвените кмери.Илјадници изгладнеа,беа убиени или мачени.Во Виетнам сојузниците на САД,владини соработници,интелектуалци и бизнисмени стигнаа во затвор,илјадници од нив умреа."

Буш зборуваше за легитимна дебата за Виетнамската војна,но:

"Какво и да е вашето мислење за тоа,едно е неспорно:цената на американското повлекување тогаш ја платија милиони недолжни граѓани."

Ова може да се повтори и на Средниот исток,ако Американците предвреме го напуштат Ирак,а последиците ќе бидат и уште поголеми според Буш:

"Ако си заминеме пред да ја завршиме работата,непријателот ќе не следи до дома."

Јасна порака од говорот на Буш:сеуште нема сигурни паралели со Виетнам,но тоа може да се измени ако се повтори тогашната грешка.А се додека е тој претседател,Американците остануваат во Ирак.Зашто,работата,значи ослободувањето и демократизацијата на Ирак уште долго нема да биде завршена.А и тогаш кога ќе биде:

"Слободен Ирак нема да биде перфектен.Но тоа ќе биде тежок пораз за терористите од Ал Каеда,пример кој на милиони луѓе на Средниот исток им дава надеж и важен сојузник во борбата на идеологиите",рече Буш.