Велика Британија – воен ангажман

Новиот британски премиер Гордон Браун има намера во иднина да му ги препушти на Парламентот одлуките за воен ангажман надвор од земјата. Пратениците треба да го имаат последниот збор кога станува збор за војна, нагласи Браун. Во Велика Британија одлуката за војна и мир со векови на ред беше во надлежност на премиерот. Браун најави зајакнување на улогата на Парламентот и на други полиња.