Влошени економските односи меѓу Македонија и Грција

Економските релации меѓу Македонија и Грција се до таа мера заладени што двете земји се доведени на работ на трговска војна. По самитот на НАТО и грчкото вето за македонскиот влез во Алијансата, меѓусебното нетрпение и во бизнисот постепено ексалира.

Во Македонија граѓаните ги бојкотираат грчките фирми и производи, и ги откажуваат туристичките аранжмани.

Грција возврати со блокади, ги спушти рампите за македонскиот извоз, што особено го погоди извозот на јагнешко месо среде сезона. И забрани пристап и на единствената авиокомпанија од Македонија. МАТ нема право да лета во Грција ниту да ја прелетува нејзината територија. ЕК бара од Грција да ја преиспита оваа одлука.