Во Газа продолжуваат судирите меѓу Фатах и Хамас

Претседателот на Палестинците Махмуд Абас денеска ќе даде изјава по однос на состојбата во автономните области. Се очекува да прогласи крај на владата на национално единство меѓу Фатах и Хамас. Поради нападите на борците на Хамас минситрите на Фатах не учествуваа во работата на кабинетото. Досега при борбите меѓу приврзаниците на двете партии убиени се повеќе од 70 лица.Борбите во градот Газа продолжуваат и денеска. Абас и премиерот од редовите на Хамас Исмаил Ханија повикаа на сопирање на насилството. Советот за безбедност врши консултации околу можностите за испраќање на мировни трупи.