1. Прескокни до содржината
  2. Прескокни до главната навигација
  3. Кон други страници на DW

Во Кина убиени осуммина „терористи“

ЖА/дпа/ртре30 декември 2013

Полицијата во немирната кинеска провинција Синкјанг убила осум луѓе - терористи, како што тврди. Ујгурите пак се жалат на зголемено угнетување од страна на власта и бараат поголеми права.

https://p.dw.com/p/1AiPq
Фотографија: MARK RALSTON/AFP/Getty Images

Кинеската полиција денеска ликвидираше осум лица кои нападнале полициска станица во немирната западна покраина Синкјанг, соопштија локалните власти.

Напаѓачите носеле ножеви и активирале експлозивни направи, по што припадниците на полицијата отвориле оган.

„Околу 06.30 часот деветмина криминалци вооружени со ножеви ја нападнаа полициската станица, фрлајќи експлозивни направи и палејќи полициски возила“, објавија локалните власти.

„Полицијата презеде одлучни мери, усмрти осуммина и уапси еден напаѓач“, се додава во соопштението.

Нападот се случи во област Јаркенд, недалеку од Кашгар, на крајниот југ на Синкјанг, провинција во која значителен дел од населението е сочинето од Ујгури, со муслиманска вероисповест.

Претходно на почетокот на месецот полицијата уби 16 лица за време на немирите недалеку од Кашгар, при што загинаa и двајца полицајци.

Меѓу Кинезите и малцинските Ујгури одамна владеат тензии. Ујгурите се чувствуваат угнетувани од Кинезите на економски, политички и културен план. Кинеската влада пак ги обвинува Ујгурите за сепаратистички акции и тероризам.