Во Њујорк нови разговори за спорот за името

Претходно беа одржани одделните средби на Нимиц со Јолевски, како и со грчкиот дипломат Василакис. По консултациите со властите во Македонија и во Грција, во седиштето на Обединетите нации во Њујорк, ќе се одржи и заедничката средба на тројцата учесници во разговорите, по што е предвидено обраќање на Нимиц за претставниците на медиумите.

При закажувањето на оваа рунда средби, Обединетите нации најавија дека нивна цел е да се продолжат разговорите за да се изнајде заемно прифатливо решение за прашањето за ‘името’.

Последната рунда разговори се одржа на 29 и 30 јануари кога двете страни изразија подготвеност за брза нова средба.