Впечатливи спортски моменти 2013
Зајаци кои се натпреваруваат во скок во височина, кучиња што сурфаат и редица киксови на вистински спортисти - спортската 2013. донесе многу занимливости. Да се насмееме уште еднаш преку фотографиите од таквите настани.
Скок, зајко!
Спортската 2013 година имаше и куриозитетни моменти. На пример, европско првенство во скокање за зајаци! На натпреварувањето одржано во Чешка „спортистите“ мораа добро да се истегнат. Можеби овој долгоушко еден ден ќе стане голем коњ...
Сите приземјуваат, но како?
И на еден ваков скок работата може да тргне наопаку. На летните скијачки скокови Германецот Андреас Ванк падна и наместо со скок, далечина „освојуваше“ со лизгање! Но, падот врз меката зелена подлога беше попријатен отколку в зима врз замрзнат снег.
Каде ми останаа гаќите?
Данецот Никлас Хелениус дава сѐ од себе во настапите за својот тим, англискиот Астон Вила. На напаѓачот не му пречи и ако ги загуби гаќите на патот кон противничкиот гол. Можеби наредниот пат треба да си стави и ремен?!
Откриј ја грешката
Зошто голманот не е на голот, туку во живиот ѕид? Дури на втор поглед се забележува дека станува збор за голманот на екипата која е во напад. Тој сака да внесе малку забуна кај противникот, а во казнениот простор добро се снаоѓа.
Сурфање - „америкен стајл“
Овие кучиња - сурфери се „мртви ладни“ пред големите бранови. Во Хантингтон Бич во Калифорнија (САД) годинава се одржа 5. првенство во сурфање за кучиња. Овие две не изгледаат многу среќни - веројатно поради нивните костими?!
Голф-удар од Европа до Азија
Тајгер Вудс насекаде ја носи голф-опремата со себе. Кога веќе се најде на мостот преку Босфор во Истанбул, зошто да не упати неколку топчиња кон Азија? Возачите не беа претерано воодушевени - вообичаено густиот сообраќај преку мостот беше запрен за неколку часови.
Без туркање, молам!
Не, ова не е трка на 100 метри. Во прашање се брзи мотоцикли на трката „24 часа во Ле Ман“ (Франција). Возачите не можеа да се договорат за редоследот на летачкиот старт, па сите истовремено се втурнаа кон своите машини.
Преку глава или врз глава?!
Што прави овде Карлен Мкртчјан, знае само тој самиот. Факт е дека Ерменецот постигна гол во средбата против Чешка од квалификациите за светското фудбалско првенство и го прослави на еден сосем специфичен начин. Главата горе, Карлен!
Всушност, ништо ново
Она што го може Карлен Мкртчјан, англиската супер-ѕвезда Дејвид Бекам уште одамна го може. Кога не еден кинески тим сакаше да му го демонстрира својот начин на изведување слободен удар, толку се воодушеви сам од себе, што се тресна од земја! Штета за облеката...
Секоја година - ново издание...
...на Божиќната трка. Во англискиот град Ливерпул, на таканаречената манифестација „Санта деш“, секоја година се натпреваруваат илјадници Дедо Мразовци. Наша желба за новата година: донесете ни повторно убави и необични фотографии како во спортската 2013 година!