Германија под лимитот

стичарите сепак предупредуваат дека сеуште не можат да се носат прерани заклучоци во однос на целата 2006-та.

И германскиот министер за финансии, Пеер Штајнбрук е на мислење дека германскиот државен дефицит годинава ќе лежи под дозволената граница од 3%. Германија напредува во консолидирањето на јавниот буџет, се вели во писмената изјава во Берлин. Но, сепак, добриот резултат од првата половина на годината не може да се преслика и за втората половина, зашто приливот на средства и давачките не се рамномерно распределени во текот на целата година. На пример, добивката на Бундесбанката е растоварувачки ефект само во првите 6 месеци на годината. Зголемувањето на данокот на додадена вредност, предвидено за наредната година, и покрај развојот на ситуацијата кој радува, не е предмет на дискусија. И германската канцеларка, Ангела Меркел, на првата прес конференција по летната пауза рече дека и покрај повисокиот прилив пари од даноците, исклучено е евентуално враќање назад на решението за зголемување на ДДВ:

“Се радувам поради сите добивки од даноците, но мислам дека сеуште нема повод за симнување на предупредувањето дека состојбата на буџетот е многу, многу незавидна.“

И во стопанството не се смета дека владата би можела да ја повлече одлуката за зголемување на данокот на додадена вредност од 16 на 19% од почетокот на 2007-ма. Манфред Вебер, раководител на Созјуното здружение на германските банки, вели:

“Она што можам да си го претставам е дека поголем дел од приливот на парите од даноците нема да биде употребен за покривање на буџетските дупки (за тоа се предвидени 2%), туку за намалување на придонесите во Германија, со што ќе се стане поконкурентен на пазарот на работна сила.“

Еврокомесарот за финансии, Хоакин Алмуниа, уште на средината на јули рече дека е можно запирање на постапката против Германија поради превисокиот државен дефицит, доколку земјата остане под лимитот од 3%.