Германија се подготвува за дуелот против Турција

Германија и Турција, во среда во Базел ќе играат во првото полуфинале. Русија и Шпанија за место во големотот финале ќе се борат во четврток. Избраниците на селекторот Јоаким Лев по опуштениот одмор во кругот на семејството и два дена без топка, започнаа со интензивни подготовки за натпреварот во Базел против турците. Веќе тие го одржаа првиот тренинг. Дванаесет години по освоениот европски трофеј. Tренерот на голманите Андреас Кепке,смета дека Германија е пред историска шанса повторно да се најде на врвот.

„ Мислам дека е повторно време за пишување историја. Се наоѓаме меѓу последните четири репрезентации. Имаме голема шанса тоа и да го постигнеме“, изјави Кепке. Голманот Јенс Леман за очекувањата од дуелот против Турција изјави:

„ Јас доаѓам од Рурската област, каде пораснав со Турци. Со многумина од нив играв во еден тим, ги сакам. Мислам дека турците се составен дел од нашето живеење во Германија. Добро е што играме против нив„ изјави Леман.

Лам:мора да се покажеме во добро светло

Дефанзивецот, Филип Лам, кој на првенството игра во одлична форма, во врска со претстојниот дуел оценува:

„ На натпреварот во среда мораме да се покажеме добро. Дека ќе биде тешко, тое е повеќе од јасно. Станува збор за полуфинале на Европското првенство, но јас сум полн со самодоверба“, изјави Лам.

И Турците оптимисти

Својот оптимизам не го кријат ниту во редовите на турската фудбалска репрезентација, која во два драматични натпревара, најпрвин ги испратија дома Чесите, а подоцна и Хрватите.

„ Мислам дека може да се случат уште многу работи доколку човек верува во себе„ изјави Хамит Алтинтоп, кој настапува за германскиот првак Баерн Минхен. Инаку Германија и Турција за прв пат по 1954 година се среќаваат во завршницата на некои од фудбалските шампионати.