1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Германската влада не се откажува од притисок врз Украина

Александар Методијев/дв/афп5 мај 2012

Германија не сака да ги намали барањата до Украина за решавање на случајот на опозионата политичарка Јулија Тимошенко. Тоа, како што се вели, се прави за нормализација на односите меѓу власта и опозицијата во Украина.

https://p.dw.com/p/14qRj
Фотографија: dapd

Ваквата позиција ја изнесе министерот за внатрешни работи Ханс-Петер Фридрих за „Билд ам Зонтаг“, додавајќи дека ги поздравува заканите за бојкот на европското фудбалско првенство што треба да се одржи во Украина.

Официјален Киев знае дека Европа ја набљудува источноевропската земја. Но, досега заканите не вродија со плод. Шефот на пратеничката група на СПД Франк-Валтер Штајнмајер е против бојкот на фудбалското првенство. Спортскиот натпревар не треба да се става во служба на политиката, смета тој.

Во меѓувреме, украинскиот премиер Микола Азаров побара од Западот да не ги зема без критика извештаите за злоставувања на Тимошенко. Инаку, украинскиот главен обвинител Виктор Пшонка, денеска (05.05) треба да ги објави резултатите од официјалната истрага за обвинувањата дека опозиционата лидерка Јулија Тимошенко била тепана во затворот.