Германската канцеларка во посета на Етиопија

Германската канцеларка, Ангела Меркел, пристигна во етиопскиот главен град, Адис Абеба на разговори со државното раководство на таа земја. Меркел најави дека има намера во текот на разговорите да го отвори и прашањето на почитување на човековите права. По средбите со етиопското раководство, Меркел ќе има средба со претставници на Африканската унија. Етиопија е прва станица од турнејата на германската канцеларка во Африка. Таа потоа патува во Јужноафриканската Република и во Либерија.