Голема акција против мафијата во Италија

Во Палермо полицијата уапси 41 член на сицилијанската мафија Коза ностра. Тие се осомничени за учество во рекетирање, шверц со дрога, незаконско поседување на оружје и други криминални дела. Меѓу „жртвите“ на осомничените се продуценти на телевизиска серија, која се снима во Палермо, како и локални бизнисмени и сопственици на продавници, соопшти полицијата, која изврши претреси и во неколку обложувалници, кои се сопственост на мафијата.

Во градот Торино уапсени се 22 наводни члена на наполитанската Ндрангета, криминална група од јужната област Калабрија, која оперира и во северниот регион на Италија. За време на полициската акција биле одземени активи за неколку милиони евра.

Во Реџо ди Калабрија, главниот град на областа Калабрија, даночната полиција денеска конфискува активи за 230 милиони евра, вклучувајќи ги контролните пакет акции во два познати хотела и локалниот кошаркарски клуб. Одземените активи биле во сопственост на двајца бизнисмени, уапсени минатата година под сомнение дека се поврзани со мафијата. Се претпоставува дека тие учествувале и во перењето на пари од име на Доменико Кондело, шеф на Ндрангета, кој беше притворен овој месец, по неговото 20-годишно криење.