Груевски со амбасадори на земји од НАТО

Реформите што се спроведуваат во Македонија како дел од критериумите за добивање покана за приклучување кон НАТО беа во средиштето на интересирањето на амбасадорите на земјите од Алијансата на вчерашната средба со македонскиот премиер Никола Груевски. Според изјавата на министерот за надворешни работи Антонио Милошоски, кој присуствуваше на средбата, владата очекува Македонија, Албанија и Хрватска наредната година да добијат покана за членство во НАТО.