Група блиска до Ал Каеда одговорна за експлозиите во Дамаск

Групата се нарекува Ал Нусра фронт за заштита на луѓето од Левант. Левант е територијата која ја опфаќаат Израел, Палестина, Јордан, Либија и Сирија. Групата во објавата на интернет денеска (12.05) вели дека бомбашките напади од четвртокот, кои за цел имаа згради на безбедносните служби, биле поврзани со бомбардирањата од страна на режимот врз населени места во земјата.

„Му порачуваме на режимов да запре со масакрите на сунитскиот народ (муслиманите) или ќе се соочи со последици“, стои во изјавата за независната веб страница Сирија Политик.

Групата е малку позната, а во видео пораката гласот на мажот е мутиран со технички ефекти, за да се сокрие неговиот идентитет. Во видеото нема материјали кои покажуваат дека групата ја подготвува или поставува некоја од бомбите, ниту се тврди дека се работи за самоубиствен напад, како што го оквалификуваа сириските власти. На крајот од изјавата има само видео материјал на кој се гледа црн чад како се издигнува над Дамаск на денот на експлозиите.

Опозиционерите во земјата влат дека немаат никаква врска со бомбашките напади и тврдат дека експлозиите се оркестрирани од владините сили, за да се наруши имиџот на опозицијата.