1. Прескокни до содржината
  2. Прескокни до главната навигација
  3. Кон други страници на DW

Депардје си го подигна пасошот лично кај Путин

СН/ЕМФ/дпа/афп/ртр6 јануари 2013

Прочуениот француски актер Жерар Депардје својот нов руски пасош го примил лично од претседателот Владимир Путин. Депардје е револтиран од планираниот данок за богатите во Франција.

https://p.dw.com/p/17Eme
Фотографија: dapd

Портпарол на Кремљ соопшти дека средбата на која францускиот актер Жерар Депардје си го подигнал рускиот пасош се одржала во резиденцијата на рускиот претседател Владимир Путин во Сочи, на Црното Море.

Претходно, Путин со итен декрет му додели руско државјанство на Депардје, кој во знак на протест против планираниот огромен данок за богатите во Франција , најави дека ќе се откаже од француското државјанство.

Депардје неодамна демонстративно се пресели во Белгија, јасно изјавувајќи дека нема намера да го плаќа данокот предвиден од левоориентираната влада во Франција. Неговите планови предизвикаа бурна јавна расправа во земјата.

Меѓутоа, непосредно пред новиот закон да стапи во сила на 1 јануари 2013, Уставниот совет на Франција го блокираше со пресуда дека ваквото правило се заснова на погрешна основа. Владата веднаш потоа најави подобрување на законот.

Gerard Depardieu
Жерар ДепардјеФотографија: AFP/Getty Images

Инаку, спорниот закон предвидува граѓаните кои заработуваат повеќе од еден милион евра годишно требаше да се оданочуваат со 75 проценти. Од него би биле погодени околу 1500 Французи, кои ќе треба да плаќаат во просек по 150.000 евра годишно повеќе отколку досега. Со ваквата стапка на оданочување во буџетот годишно требаше да се влеат околу 210 милиони евра повеќе.