Десетици загинати во напади во Сирија

Најголем дел од жртвите се роднини на припадниците на силите за безбедност, изјави шефот на Сириската опсерваторија за човекови права, Рами Абделраман. Едната експлозија се случила во близина на зградата на државна безбедност, а другата во близина на воената тајна служба. Од пред две недели меѓу сириските владини сили и бунтовниците владее официјално примирје, но тоа е постојано прекршувано.

Вчера во главниот град Дамаск пристигна шефот на мисијата на невооружени воени набљудувачи на ОН за надгледување на примирјето во Сирија, норвешкиот генерал Роберт Муд.

Тој веднаш по пристигнувањето во Дамаск упати апел до сирискиот претседател Башар ал Асад и опозоцијата да ги прекинат судирите и да го овозможат прекинот на огнот.

Норвешкиот генерал притоа признал дека 300-члената мисија што ја предводи ја чека тешка задача, но нагласил дека е убеден оти може да се постигне напредок.

Во моментов мисијата на Обединетите нации за надгледување на примирјето во Сирија на теренот има 30-ина набљудувачи.