Европската унија ќе ги зајакне санкциите против Мијанмар

Амбасадорите на земјите членки на ЕУ постигнаа договор за заострување на санкциите против Мијанмар. Формална одлука треба да донесат шефовите на дипломатии на ЕУ, а санкциите би требало да стапат во сила на средината од октомври. Инаку, веќе десет години во сила се ембаргото за оружје воведено од страна на ЕУ и забраната за инвестиции на европски фирми во Мијанмар. Утре, Советот за безбедност на ОН, треба да расправа за новите чекори поради кршењето на човековите права во таа земја.