1. Прескокни до содржината
  2. Прескокни до главната навигација
  3. Кон други страници на DW

Египет бара нов устав

АТ/ ртр/ афп/ миа21 јули 2013

Во Египет со работа започнува нова Комисија за уставот. Во рок од еден месец правните експерти би требало да изработат предлози, со кои ќе се направат промени во уставот на земјата, кој во моментов е вон сила.

https://p.dw.com/p/19BK6
Фотографија: picture-alliance/AP Photo

Комисијата ја сочинуваат четворица професори и шест судии. Тие од египетскиот преоден претседател Адли Мансур добија налог да изработат предлози за нов устав. Експертите денеска почнуваат со работа, соопшти претседателскиот кабинет во Каиро.

Референдум најдоцна за четири месеци

Експертите имаат 30 денови да ги достават предлозите за промени. Потоа голема Комисија од 50 членови од различни општествени гурпи на земјата ќе ги разгледува предлозите на промените. Ова тело ќе има време во два месеца да изработи конкретен предлог устав, кој ќе му биде доставен на претседателот. Преодниот претседател потоа во рок од 30 денови треба да распише референдум за новиот устав.

Ägypten Adli Mansour Vereidigung
Претседателот МансурФотографија: Khaled Desouki/AFP/Getty Images

Стариот устав беше предложен минатата година од Комисија во која доминираа исламистите и во декември беше потврден на референдум со мнозинство од 64 проценти. На овој референдум меѓутоа излегле наводно 33 проценти - големи делови од опозицијата го бојкотираа гласањето. По обезвластувањето на екс претседателот Мохамед Мурси на 3. јули армијата го стави уставот вон сила. Пред Египќаните повторно да гласаат, мора да биде приложен преработен устав.

Поделбите треба да престанат

Преодниот премиер Хасел ел Беблави во меѓувреме ги повика раскараните табори на помирување. Во телевизиско интервју за египетската државна телевизија Ел Белбави подвлече дека Египет треба да се врати кон хармонија и предупреди дека поделбите во земјата не можат да продолжат.

Ägypten nach Mursi-Sturz
Протести во ЕгипетФотографија: Reuters

„Египет е поважен за светот, отколку што мислиме и заслужи подобро од нас“, рече Беблави во интервјуто. По повеќенеделни масовни ппротести улиците мора повторно да бидат безбедни.

Муслиманското братство, од каде доаѓаше соборениот претседател Мурси, меѓутоа ја отфрли понудата за разговори на Беблави. „Не може да има дијалог се' додека цевките на пушките се вперени кон противниците на пучот“, рече портпаролот на Муслиманското братство, Гехад ал Хадад. Муслиманското братство не учествува ниту во преодната влада која беше формирана неодамна.

Знак на поддршка на новата преодна влада меѓутоа испрати јорданскиот крал Абдула, кој вчера (20.07) беше во посета на Каиро. Абдула беше првиот претставник на една арапска земја, кој по падот на Мурси го посети Египет.