1. Прескокни до содржината
  2. Прескокни до главната навигација
  3. Кон други страници на DW

Епл загуби 50 милијарди долари за неколку минути

ЖА/дв/адпа24 јануари 2013

Калифорнискиот електроконцерн во божикниот период продаде ајфони и ајпеди како никогаш претходно. Но, експертите очекуваа уште повеќе, што веднаш го нотираше берзата, каде дојде до пад на вредноста на акциите.

https://p.dw.com/p/17Qy2
Фотографија: fotolia

Американската компанија Епл забележа рекордна продажба на смартфоните, во споредба со лани, од почетокот на октомври до крајот на декември се продадени 47,8 милиони, како и 22,9 милиони таблети.

Епл со тоа постигна и рекорден обрт, пораст за 18 проценти, на 54,5 милијарди долари. Но, компанијата има и растечки трошоци за развој и маркетинг за бројните нови производи, поради што добивката стагнира на досегашната рекордна од 13,1 милијарда дилари.

Покрај сите успеси, акциите на Епл на берзата забележаа пад од шест проценти. Причината е што некои аналитичари очекуваа уште подобри резултати во продажбата. Од Епл не потклекнуваат ни пред конкуренцијата и скептичарите, кои се‘ погласно се прашуваат дали компанијата веќе не го достигна зенитот-се најавуваат нови производи.