Заострен тонот кон руската опозиција

Една недела пред парламентарните избори во Русија, тонот кон опозицијата во земјата е повторно заострен. Опозициониот политичар, Гари Каспаров е уапсен на еден собир против претседателот Владимир Путин и осуден е на пет дена затвор. Поранешниот шаховски светски првак и член на опозициониот сојуз “Поинаква Русија“, направи обид да поднесе во Централната изборна комисија петиција за слободни избори на втори декември, и покрај тоа што тоа не му беше дозволено од страна на полицијата. Покрај Каспаров, уапсени се и други противници на владата. Според изјави на очевидци и во други градови на Русија безбедносните сили притвораат голем број луѓе кои сакаат да учествуваат на демонстрациите на опозицијата.