Зошто авионот на Бали наместо на писта слета во море?

Авионот на авиокомпанијата за евтини летови Лајон Ер од Индонезија денеска (13.04) ја промаши пистата на Бали и заврши во морето. Сите 101 патник и седумтемина членови на екипажот се спасени. Притоа, 40 луѓе имаат повреди, како скршеници на коски и рани на главата. Сепак, според наводи на вработени во локалната болница, само четири лица морале да останат на болничко лекување.

Боинго 737-800, кој во употреба е од март, тргнал од Бандунг, на Јава, во насока на Бали. Пистата на Бали, и на почетокот и на крајот, граничи со морето. Патничката Тантри Видиастути за локалната телевизија Метро изјави дека немало никакви знаци за проблеми. „Одеднаш авионот заврши во вода“, изјави  60-годишната патничка, која имала среќа да помине со само неколку исекотини. Сите патници потоа многу бргу го напуштиле авионот, кој при падот во водата се преполовил.

Лајон Ер е најголемата авиокомпанија за евтини летови на Индонезија. Нејзините авиони се од типот Боинг и Ербас. Според наводи на мрежата за безбедност на летање, Aviation Safety Network, од 2002 година до сега шест авиони на Лајон Ер имале несреќа, од кои четири авиони биле Боинг 737. Само во една од несреќите има и човечки жртви.