1. Прескокни до содржината
  2. Прескокни до главната навигација
  3. Кон други страници на DW

Изгласана новата албанска влада

ЕМФ/афп/миа15 септември 2013

Албанскиот парламент денеска (15.09) даде согласност за новата влада на социјалистот Еди Рама. За новиот кабинет гласаа 82-ца од вкупно 140 пратеници.

https://p.dw.com/p/19huv
Фотографија: DW/A. Ruci

Во новата Влада на Албанија седат 20 министри, од кои 6 се жени, вклучувајќи ја и Мими Кодели на местото министерка за одбрана. Социјалистот Еди Рама ветува дека ќе ја забрза евроинтеграцијата на државата и ќе ја обнови економијата. Претставувајќи ја програмата на Владата, Рама рече дека ќе се фокусира на демократските реформи, јакнење на владеењето на правото и борба против корупцијата.

Албанија е една од најсиромашните држави во Европа, каде според официјални статистички податоци околу 14,3 отсто од вкупно 3,2 милиони жители живеат со помалку од 1,5 долари дневно. Стапката на невработеност е 14 отсто, а јавниот долг е 60 отсто од БДП.