Израел ќе ослободи 400 палестински затвореници

Израелските власти воочи американската конференција за блискиот исток планирана за крајот на месецов ќе ослободат 400 палестински затвореници. Ова го јавува весникот Харец според кого ослободени ќе бидат само припадници на движењето Фатах на претседателот Махмуд Абас кои не биле одговорни за смртоносни напади. Палестинците како гест на добра воља воочи конференцијата побара ослободување на околу 2000 затвореници.