Името останува главна пречка за Македонија во НАТО
20 октомври 2011
Спорот за името останува единствена пречка за зачленување на Македонија во НАТО алијансата, изјави македонскиот министер за надворешни работи Никола Попоски по завршување на редовниот годишен состанок на Република Македонија со Северноатланскиот совет во Брисел.
„Името останува извор на фрустрација бидејќи го попречува актот на зачленување во НАТО. Сите наши партнери се надеваат дека овој проблем ќе биде тргнат од маса и дека ние конечно ќе бидеме рамноправен член на НАТО Алијансата“, изјави Попоски.
Тој ги уверил своите колеги дека пописот ќе се одржи тогаш кога ќе постои клима која ќе овозможи резултати што ќе бидат компатибилни со методологијата на Еуростат.
Toj посочи дека учесниците изразиле поддршка и благодарност за учеството на Армијата на Република Македонија во мировните мисии.
Автор: БГ/СН/миа
Редактор: Жана Ацеска