Интелектуалците се јавуваат за збор

Можниот референдум за името е само доказ за неподготвеноста да се пронајде компромис од страна на македонските власти. Со него Македонија ќе ги пропушти роковите за ЕУ и НАТО и државата се води во изолација. Овие две тези беа доминантни кај иницијаторот, професор Љубомир Фрчкоски и учесниците на трибината, група на екс и актуелни политичари, новинари и експерти. Во дискусијата беа изнесени и следните ставови:

Македонија не ќе може да издржи со политиката на патриотизам, тоа ја води државата во изолција, а тоа најмногу ќе се одрази врз бизнисот и атмосферата за политичките и економски реформи.

Македонскиот референдум за името наликува на српскиот за Косово и со него може да се создадат дополнителни етнички проблеми.

Оваа трибина беше вовед во серија дебати што ќе се одржат во следниот период во Македонија.