Поздрави до морнарицата на САД
7 јануари 2012
„Ова беше хуманитарна акција на американската морнарица и ние ја поздравуваме“, изјави портпаролот на иранското министерство за надворешни работи, Рамин Мехманпараст. Според него, „борбата против пиратите треба да биде задача на сите земји“.
Според наводи на американската армија, спасувачите и‘ припаѓаат на воената единица на носачот на авиони „УСС Џо Ц. Стенис“, чие присуство во Персискиот залив наодамна предизвика налутена реакција на режимот во Техеран.
Централната команда на американската морнарица соопшти дека екипажот добил повик за помош во близина на Ормускиот теснец. Повикот го упатил капетанот на бродот „Ал Молаи“ кој бил во раце на пиратите 45 дена. Истовремено, екипажот на еден американски хеликоптер видел пиратски брод до иранскиот брод, по што Американците го спасиле екипажот на иранскиот брод.
Американската морнаричка единица минатата недела го напушти Ормускиот теснец. Иранскиот министер за одбрана Ахмад Вахиди потоа ги предупреди Американците да не се враќаат, затоа што, според него, тие предизвикуваат „само хаос“.
Автор: ЕМФ/дпа
редактор: С. Недевски